Testua: Roger Idiart
Doinua: Roger Idiart
Ezkila, 12. t., Belok: Ed. Ezkila, V 81
– AAB: 168 –
Arantzazurat Ainhoan gaindi
gira heldu Ama Birjina,
lur zabalean Jaun izan bedi
zuk sortu Jainko gizon egina.
- Mendez mende beilariak
hemen ziren biltzen.
Gaur gu ere, Ama ona,
zureganat heltzen. - Ainitz gira zuri, Ama,
fidantza emanik.
Ezin erran zer ez dugun
ukan zureganik. - Zorigaitzez girelarik,
hasten kalapitan,
har gaitzazu eta goxa
zure besoetan. - Jesus Jauna, emaguzu
zinezko fedea,
bat eginik har dezagun
zeruko bidea.
Aurreko abestia zaharra den bezala, hemengo hau aski berria da; urterik ez dakigu. Urtero-edo erromesaldia antolatu izan du Arantzazura Baionako elizbarrutiak. Horrelakorako konposaturiko kanta da hemengo hau nonbait. R. Idiart, apaiz, olerkari eta kanta-sortzailea, Azkainen jaio zen (1931-2009).
AAB: 168
