Testua: Salbatore Mitxelena
S. Mitxelena, Arraun eta Amets, Zarautz: Itxaropena, 1955, 103-104 or.;
S. Mitxelena, Idazlan guztiak-I, Arantzazu: EFA, 1977, 122-123 or. (OKA-1969, 21. or.)
Doinua: Herri-doinua (Mitxelenak moldatua)
OKA-1969, 8. kanta, 20. or. // – AAB: 127, 179, 220, 263 –
Lurrean lore zinan,
lore garbi lirain;
zeruan izar zera,
izar argi orain.
- Ama: ni ere lore
nadila gaur hemen;
eta zeruan izar
heriotz ondoren. - Ama: guziok lore
gadila lurrean;
eta zeruan izar
Zurekin batean. - Ama, zure usaia
zabaldu guregan,
eta zure argia
gure ilunpean.
Arraun eta amets liburuan, “Lore ta izar” tituluarekin argitaraturiko olerki luzeagoaren zatia da hau. Bere ama hilberriari eskaini zion Mitxelenak olerkia. Arantzazuko Andre Mariari egokituta, Arantzazu aldizkarian argitaratu zuen aurrenekoz –3 ahapaldi– (XXVII, 1947, 278. zenb., 41. or.), doinu eta guzti, OKA-n jaso aurretik. M. Idoiagak organoko laguntza ipini zion (OKA/Id, 8. kanta; AAB: 263). F. Ibarrondok 4 ahotsetara harmonizatu zuen OKA-ko kanta, 1965ean Arantzazuko koruak grabatua. 1997an Arantzazu. Ameskabi, otoizleku CDan grabatzeko beste konponketa bat egin zuten –I. Beristainek?– (ik. Arantzazuko korua, IV. Maria, 11. kanta): musikaren moldaketa eginez, alde batetik, eta, bestetik, hirugarren estrofa gaineratuz. “Lore eta izar” du titulua partituran, baina “Lurrean lore zinen” CDan.
AAB: 127
AAB: 179
AAB: 220
AAB: 263
