Testua: Bitoriano Gandiaga
B. Gandiaga, Hiru gizon bakarka, Donostia: Elkar, 1991 (2. ed.), 164. or.
Arantzazu, LIV, 1974, 517. zenb., 138-140 or.
Musika: Pello Zabala (Artxibo pertsonala) // – AAB: 171 –
- Elgea mendiko
Biurgain ondoan,
Artaso lotan dago,
lo geldi maltsoan. - Jentilen ama bizi,
tuntur eta magun,
sortalderantz etzin zen
eder eta bigun. - Pagadian pagoak,
zelaian belarra.
Dolmen gerta zitzaion
bistan duen bularra. - Nik ez dut esnatuko,
baina bai maitatu;
baina bai darion lehen
arnasatik hartu. - Eta bedeinkatu
–ta, hala bitza Jaunak–,
Sanbernardoz Artason
dantzatzen diranak.
Poema-kanta hau ez da Arantzazuko Andre Mariari eskainia edo erromesentzako egina, baina bai Arantzazu sakonekoa: Gandiagak berak hala sentitzen baitzuen Artaso. 1972an-edo idatzi zuen berak olerkia; lehenbizikoz argitaratu, berriz, 1974an Hiru gizon bakarka liburuan, “Artasoko salmoen” artean, eta urte berean Arantzazu aldizkarian. Lau ahotsetara musikatu zuen Zabalak; argitaratu gabe dago partitura, beraren artxiboan.
AAB: 171
