Testua: Iñaki Beristain
Arantzazu, LXXX, 2000, 810. zenb., 17. or.
Doinua: Pello Zabala (konponketa)
Arantzazuko korua, IV: Maria, 10. kanta // – AAB: 176 –
- Agur, Arantzazuko gure Andre Mari,
herri behartsu bat datortzu kantari.
Bakea du amets, bakea gurari.
Emaiozu bake, bake, zure herriari. - Arantzazurako bidea aldatza,
bakearena ere halaxe da latza.
Zure deiak, Ama, gora garamatza,
Zuk goza dezazun gozoz gorroto garratza. - Zu tarteko zinen eskuak elkartzen,
Oñatz ta Ganboa bakean ezartzen.
Herri hontan zure eskua behar zen
etsai zebiltzanak, pozez bakera behartzen. - Senideak izan ta ezin ulertu,
denok bakea nahi, tirabirak lehertu,
bizi ezinean bizitzen aspertu:
hau gerta dakion, esan, herri honek zer du? - Ama, zuk argitu gu, ilun gaude ta,
zure onginahian har guretzat beta.
Ez gaitezen bizi suminez erreta,
emaguzu, arren, eman elkarren arreta. - Gure Ama ona, zeuk esan Jesusi:
“Ez dute bakerik, Semea, ikusi”.
Hark jarriko digu bakea nagusi
ta biziko gara pozik arazo ta guzi.
AAB: 176
