Testua: Bitoriano Gandiaga
B. Gandiaga, Frantziskotar Gorazarreak,
Oñati: Arantzazu E.F., 2012, 74. or.
Doinua: Doinurik ez
- Andre Mari, zure elorria eta
erakarri duzun jendea dakusat
zure inguruan.
Zure agerpenak guztizko eragin
handia izan du lurralde honetako
jende saiatuan. - Aro berri baten atari izan zinen,
euriz, bakez blaituz alor eta bihotz
luzaz lehortuak:
ondasun lurreko ta espiritukoz
eurrez bedeinkatu zenituen bazter
gerrak zigortuak. - Berpizkundez piztu zenuen herria
eta adorez zion heldu askotariko
bizimoduari.
Jakintzaren eta santutasun bideez
goi-mailetaraino iritsi zen gero
herritar ugari. - Elorriko Ama eta Andre Maria,
bakea dezagun eta onaldia,
egun ere egizu.
Mendeetako zure mila mesedeak
gogoan dituen gure esker-kantu hau
atsegin bekizu.