[Arantzazun Maria] (~1918?)

Testua: Joan Karlos Gerra
Luis Villasante, Santa Maria de Aránzazu, Patrona de la Provincia, [Enciclopedia guipuzcoana, fascículo 3.°] Diciembre 1964, 32. or.
Musika: Herri-doinua (?)
– AAB: 189 (estrofa) –

1. Arantzazun Maria
   agertu zanian,
   Oñati ta Mondragoe
   zeuzkan bere aldian.
   Inork baino lehenago
   geure gurasoak
   Arantzazura zuten
   zuzendu pausoak.
   
   
2. Arantzak ebaki ta
   harkaitzak apurtu,
   auzolan gogorrean
   bidea zabaldu;
   Oñati ta Mondragoek
   kofradia jarririk,
   Birjinari jaieraz
   egin zuten pozik.

Kanta honen bigarren ahapaldia Argia aldizkariak argitaratua zuen 1935ean, Manuel Eguileor-ek sinatuta (15. urtea, 753. zenb., 7. or.), hitzen baten forma ezberdina gorabehera. “Obra de Juan Carlos Guerra” dela, dio Villasantek bere liburuan olerkiari buruz. Beronek Arantzazu aldizkarian ere argitaratu zuen, “Kaltzada zarra” artikuluaren barruan (XLVIII, 1969, 471. zenb., 134-136 + 123 or.

Arantzazuko Musika Artxiboan bada kanta bat “Goazen poz alai Arantzazura” titulukoa: sarreraren ondoren hemengo lehen ahapaldia du estrofatzat; partiturak ez du ez autorerik eta ez datarik ematen. Kantaren datari buruz Villasantek ez dio ezer, eta neure aldetik ez dut berririk aurkitu. Garbi dago 1935 baino lehenagokoa dela, eta Villasantek berak 1956an dioenez, arrasatearrek beren urteroko erromesaldian abesteko ohitura omen zuten. Arantzazuko Andre Maria Gipuzkoako zaindari izendatu zuteneko data esleitu diot, bada, neure aldetik. Dena dela, urte hartako Arrasateko erromesaldirako argitaratutako kanten esku-orrian ez da ageri hemengo hau.

Balada kutsua du kantak; Gerrak ondo ezagutzen zituen Arantzazuko baladak, eta badirudi haien estiloa baliatu nahi izan zuela. Abestiaren doinuak ere Arantzazuko bi balada klasikoenetatik hartuta daude –jakin ez, nork egokitu zizkion doinuok Gerraren testuari–.

AAB: 189