Arantzazuko kanta berriakTestua: Salbatore Mitxelena
OKA, 6-7 or.
Doinua: Xenpelar: “Berriotxoarena” (Mitxelenak moldatua)
OKA-1969, 1. kanta, 6. or. // – AAB: 213, 239, 256, 327 –
- Errodrigotxo Baltzategiko
zori oneko artzaia:
hik entzun huan, lehendabiziko,
Zeru-deiaren kanpaia. - Zori oneko kanpaia eta
zori hobeko artzaia!
Bien artean zabal ziguten
Arantzazuko doaia. - Berez ari zan jo ta jo deika,
jo ta jo deika kanpaia,
inork eragin gabe, azalduz
Ama baten onginahia. - Zer zitekean urreratzean
Errodrigotxo ernaia,
belaunikatuz han agertu zun
euskal minen sendagaia. - Ama Birjina arantzan gora
zabalduz zeru-dirdaia,
Jesus Haurtxoa besoan zula
ta aldamenean kanpaia. - Zori oneko kanpaia eta
zori hobeko artzaia!
Zori onena zuk, Euskal Herri:
Badator zure Garaia!
Testu hau bere Poema-ren hasierako “Zeru-deia” kanta moldatuz eratu zuen (ik. 9-11 or.). Bere horretan maiz kantatu izan dute Arantzazun.
Jose Maria Ibarbiak kantaren kopia egin zuen (Arantzazukoak, 6. zenb., 3-4 or.), “Baltzategiko” izenarekin; doinua bakarrik moldatu zuen zertxobait. Testuan, OKA-ko lehen bi ahapaldiak eta 6.a aukeratu zituen, baina aldaera nabarmenekin, batez ere lehen ahapaldian: “Baltzategiko Errodrigotxo / zorioneko artzaia / zuk entzun zendun lenengo aldiz / zeru deiezko kanpaia”. AEP-ko testutik hurbilagoa da hori, OKA-kotik baino. Badirudi Mitxelenak berak, bere OKA liburuxka lantzen ari zelarik, erabili zuela tarteko aldaera hori.
Martzelino Idoiagak organoko laguntza jarri zion (ik. OKA-Id, 1. zenb.; AAB: 256).
Kanta honen harmonizazioa, Felix Ibarrondok egina (1963), Arantzazuko koruak grabatu zuen lehenbizikoz Jose Iturriaren zuzendaritza pean (1963). 1997an berriro grabatu zuten CDan, Iñaki Beristainek zuzenduta; OKA-ko kantari beste bi ahapaldi hauek gaineratu zizkion Beristainek, sarrera gisa, S. Mitxelenaren Poema-tik hartuta (AEP-2, 7-9 or.):
Kanpanila txiki bat
alboan bazuan,
inork behar gabe
soinu jotzen zuan:
Talan..., talan...,
Aloñaren maldan,
antzina zaharraren
altzo-altzotikan.
Talan..., talan....
Aloñaren maldan.
AAB: 213
AAB: 239
AAB: 256
AAB: 327
