Arantzazuko kanta berriakTestua: Autore ezezaguna
Doinua: Autore ezezaguna
Eskuzko partitura (AranMusArtx, D 37) // – AAB: 187 –
Etsaion atzapar bildurrik ez degu,
Zeruko Bakaldun ederra badegu
Gipuzkoar geranok gure Zaindari.
Ongi etorria, Zaindari laztana,
arantza gainean agertu zinana!
Zorion guztiak badatoz gugana,
gugana Zerutik etortzian Zu,
Ama zeralako maite gaituzuna.
O ama biguna, zaindu gaitzatzu!
Galdutzeko arriskuan
bizi geranez gero,
nahi genduke zure eskuan
egon orain ta gero.
Zure babes pozgarria
utzi gabe behin ere,
gipuzkoar zaindaria,
maite gaituzun Maria,
maite zaitugu ere.
Arantzazuko Musika Artxiboko orri solteko partiturak ez du inolako autoreren indikaziorik: ez testu eta ez musikarenik.
Ba ote zen “Gipuzkoako Zaindariari” izeneko beste kantarik, ezaguna Arantzazuko erromesen artean? (Honi buruz ikus “Aurrera” kantari egindako oharra). Dena dela, ez dut aurkitu bestelakorik Arantzazuko Musika Artxiboan.
AAB: 187
