Testua: Iñaki Beristain
Musika: Herri-doinua? (Felipe Larrinagak moldatua?)
Arantzazuko korua, IV: Maria, 17. kanta // – AAB: 159 –
- Txoko argi, Arantzazu!
Harkaitzarte gozoa zara zu.
Argiz zaude, Arantzazu!
Zuri begira gauzkazu.
Lainoz gaindi, Arantzazu!
Zuregana gatoz sutsu,
erromesak har itzazu,
goiko hitzez argi gaitzazu.
Bizi-grinaz natortzu, Arantzazu! - Minez dugu esperantza,
fruitu gabe daukagu baratza.
Hau da gure zori latza!
Gaur Arantzazu gorantza,
bihotzak bere balantza.
Gure ibilbideari
atera nahirik arantza,
ta sendotu fede-zalantza.
Esperantzaz daukagu esperantza! - Gorriz jantzi zaigu lurra,
bada gorroto, bada gezurra,
pozaren ordez, tristura!
Begira gaude altura,
begira Arantzazura.
Ama, zure ardura:
zabal bularren estura,
jar anaitasuna eskura.
Bizi berriaz senda gure lurra!
Grabaketa: ARAM CDa, 14. kanta
AAB: 159
