Testua: Anonimoa
Musika: Jose Maria Arregi
Eskuzko partitura (testu daktilografiatua) (AranMusArtx, D 16)
– AAB: 056 –
Bene-benetan maite zaitugun
Ama Birjina Maria,
gorde zuk beti fede garbian
zure Euskaldun Herria.
- Arantzazuko Birjina eder,
Ama gozo txit laztana,
Arantzazutik Euskal Herriko
kontu hartzaile zaudena.
Hementxe gatoz gaur euskaldunak
alkar harturik zugana,
amoriozko begiratu bat
eman dezazun gugana.
Bene-benetan.... - Gipuzkoarrak hartu zaitugu
geron zaindari izateko,
Aita Santuak nonbratu zaitu
gure patronatzarako.
Gipuztar danok pozikan gaude
zure esanera egoteko
ahal danik gehien zure izena
goratu ta ondratzeko.
Bene-benetan... - Aginte danak zureak dira
zeruan eta lurrean,
Satanas eta bereak ere
zuk daukazkitzu mendean,
hartu gaitzazu, arren! betiko
gu zure anparu pean,
guzti-guztiok bizi gaitezen
Jesus onaren legean.
Bene-benetan...
1918an, Arantzazuko Andre Maria Gipuzkoako zaindari izendatu zuteneko kanta dirudi honek, batez ere bigarren estrofari begiratuta. Baina ez dirudi, Zaindari berriaren ereserki edo gorazarre ofizialtzat sortua denik.
Testuaren autorearen berririk ez dut inon aurkitu. Arantzazuko Musika Artxiboko partiturak ez dakar inolako indikazioarik, ez testuaren eta ez musikaren autoreenik. Baina bertako katalogoak Jose Mari Arregiri esleitzen dio doinuaren autoretza; ahots bakarreko kanta da.
Artxibo berean beste eskuzko partitura bat bada, Jesusen Bihotzari (“Al Corazón de Jesús”) eskainitako bestelako kantarekin batera, paper berean: “A la Virgen de Aránzazu” du titulua gureak, eta hemengo leloarekin batera lehen ahapaldia jaso zuen. Musika aldetik badu honek aldaera txikirik daktilografiatuarekiko.
AAB: 056
