Testua: Autore ezezaguna; Jose Ignazio Arana
REA/JK, 75 or.
Doinua: “Agur, Jesusen Ama” (?)
Agur, agur Maria, agur, agur, agur.
Agur sortzez garbia, agur, agur, agur.
- Zure oinetan, Ama,
gaude hemen bildurik,
azken agurra egiten
guztiz penaturik.
Agur gure begien
argi txit argia,
agur gure bihotzen
gozamen eztia. - Bainan zugandik alde
bihotzak ezin du:
zuregana dijoa,
zugan bizi nahi du;
Ama berdingabea,
bedeinka gaitzatzu
Arantzazuko Andra Maria,
Agur, agur, agur.
Hona hemen beste abesti-testu bat, Arrasateko 1818ko erromesaldirako ateratako esku-orrian ageri dena. Bigarren estrofa J. I. Arana / F. Gorritiren “Agur Jesusen Ama” kanta ezagunekoa da, bukaera zerbait aldatuta: “Agur, Ama nerea / agur, agur, agur” da hangoa; hankaluzea da hemengoa. Lehen estrofa agian J. Arrue leintzarrak asmatutakoa da erromesaldi honetarako.
Doinuari dagokionez, badirudi “Agur Jesusen Ama”-ren doinu berarekin abestekoak liratekeela estrofak. Baina horrek ez dirudi balio duenik hemengo hasierakoa abesteko.