Testua eta musika: J. A. Etxeondo A.
Eskuzko partitura (Eresbil, E/ECH-14/R-01) // – AAB: 161–
- Elur gainian ia hilian
txoritxua dagonian,
ni bezelaxe arkitutzen da
nekiaren magalian. - Bakar-bakarrik negarrez urtzen
basamortuko hotzian,
bildurrez estu noiz eroriko
otsuen atzaparrian. - Arantzazuko Ama maitia,
gutzaz errukitu zaite;
larros legunez gure malkuak
lehortutzen hasi zaite. - Udaberriko goiz eder batez
Arantzazura bidian
nere negarra poz bihurtu zan
Amaren aldamenian. - Nere bihotza zerutar ihintzez
zuk igortzi zendunian,
txori gaxua pozez piztu zan
Arantzazuko kabian.
Autorearen honako eskaintza eta data datoz partituraren azkenean: “Nere irakasle maite Zapirain'tar Joxe Mari'ri. 1949'ko mayatza'ren 13an. Vitoria'n”. Uste izatekoa da testuaren eta musikaren autorea berbera dela. Euskarazko terminologian oso garbizalea ageri da, kantaren banaketa-ahotsak izendatzekoan: ‘1.go Abetzoliak’, ‘2.garren Abetzoliak’, ‘Abespeitzak’, ‘Abesperenak’. Ez dut J. A. Etxeondo konposatzailearen berririk aurkitu; ez dator Fernando Abaunza Martinezen Diccionario de músicos vascos izendegi berrian ere (2017). Badirudi erlijioso apaiza dela, izen-abizenen atzeko ‘A.’ (Aita) ikusiz.
AAB: 161
