Arantzazuko kanta berriakArantzazuko Amari
Testua: Karmel Gizkarbiaren M. A.
Euskal Esnalea, XIII, 1923, 237. zenb., 164. or.
Doinua: “Negarrez ikusten zaut” (Kirikiño)
– AAB: 063 –
- Arantzazuko Andre
bigun ta laztana,
osoz gera Zuretzat,
guretzat Zu dana.
Zu gure Ama!
Arren, zure begiok
itzuli gugana. - Miren Gizkarbi eder,
“erruge bakarra”.
Zulakoa nor, Ama,
“Goikoa” ez bada?
Nor Miren haina?
Poz-pozez damatzugu
musu bigun bana. - Miren maitetsu hori,
gurea zerana,
zure jabetza gera,
zaitu hala, bada;
ta gero, Ama,
gure heriotz aldian,
bai! deitu Zugana. - Arantzazuko Andre
bigun ta laztana,
osoz gera Zuretzat
guretzat Zu dana,
Zu gure Ama!
Gure heriotz aldian,
bai! deitu Zugana.
Olerkiaren autoretzat ematen duena, ezizena izan behar duela uste dut, Karmengo Andre Mariaren (Birjinaren = Gizkarbiaren) eraspen onekoa, bestalde. Doinu eta guzti ez dut inon aurkitu kanta hau, baina oharrean dioenez, Ebaristo Bustintza “Kirikiño”-ren “Negarrez ikusten zaut” olerkiaren doinuarekin abestekoa da. Honetara hasten da Kirikiñoren olerkia:
Negarrez ikusten zaut,
ene aberria,
zeure semeak galdu
zaitue guztia.
Oharrean dioenez, lehenengo eta laugarren apaldiak dira aukeratzekoak olerkia kantatzean. Doinu eta guzti, Euzkeltzale-Bazkunak argitaratu zuen bere kanta-liburuetako batean. Ez dut aurkitu ahal izan azken hau.
AAB: 063
