Arantzazuko kanta berriakTestua: Manuel Lekuona (biltzailea)
Lekuona'tar Manuel, Idaz-lan danak. 10. t.: Gabon eta eliz-kantak [Kardaberaz bild., 31], Tolosa: Libr. Téc. de Difusión, 1985, 144. or.
Doinua: “Arantzazuko Ama Birjina” (M. Letamendia)?
Salve, Regina / Agur, Erregina (Ant. B. M. V.)
- Agur, zeruen edertasuna
arrosa, zuri-gorria,
Jesse Aitaren zuztarretikan
lerden-lerdenik hazia,
arrosa-muskil lirain, polita,
arrosa erne-berria,
har likitxaren kutsurik gabe
sortua zeran Maria. - Agur, zeruko izardietan
dan izarrik ederrena,
ilunbe hotan bizi geranon
pozgarririk gozoena, º
Artizarra lez aldatzekea,
goizekoa lez gardena,
gau-abarretik goizalderaino
lausorik gabe zerana. - Agur, elordi ertsi hontako
lilitxo zoragarria,
usai-gozodun, zaloi, galanta,
ximur gabe ta garbia,
arantz artean, arantzik gabe,
arantzan gora jaikia.
:::::::::::::::::::::::::::: - Horla mintzatu zaizu
gaur arte guzian
Euskal Herri maitea
euskera garbian,
zure magal gozoan
nahigabe-aldian
neke-lagungarria
topatu zegian. - Horla mintzatu zaizu
gure Euskal Herria
gaur arrosa deituaz,
ta bihar lilia,
gaur izar diztizari,
urren ilargia,
gero zeru puskailo
liluragarria. - Horlaxe deitu dizu
Amatxo min-mina,
batean lore-xorta
Jainkoak egina,
bestean ezti gozal,
hoberik ezina...
Atzo, gaur eta beti
eder, zoragina;
bainan honez aurrera
izen atsegina!
Agur, esango dizu,
agur, erregina!
Bi parte ezberdineko testua da hau, agian bi kantatzat hartzekoa, titulu beraren pean. Hasierako bi lerroak J. I. Aranaren “Arantzazuko Ama Birjina” kantarenak dira; eta olerkiaren lehen partearen bi azkenak ere bai –horrelaxe, hizki etzanez, daude idatzita iturrikoan–. Abestu ere lehen partea behintzat abes daiteke haren doinuarekin (M. Letamendia) –Lekuonak ez dakar doinurik–. Arantzazuko ereserki klasikoaren oihartzun gisakoa da, beraz.
1918an Euskal-Erria aldizkarian “Arantzazuko Amari” titulu pean agertu zuen (LXXIX, 203. or.). Urte berean argitaratu zuen Euskal-esnalea aldizkarian ere (176. zenb., 161. or.).