Erromesen arreba (1993)

Testua: Iñaki Beristain
Arantzazu, LXXI, 1993, 729. zenb., 1' or., azala
Musika: Pello Zabala
Arantzazuko korua, IV: Maria, 24. kanta
– AAB: 175 –

1. Erromesen arreba,
   bideko Andre Mari,
   gure fede-bidean
   zu zeu ibiltari.
   Emaiozu bihotza
   gure bideari,
   zure aintza dezagun
   helmugako sari!
   
   
2. Ez dizugu eskatzen
   kentzeko arantzik,
   ezta ere gozatzeko
   gure bide latzik.
   Gizadi berri baten
   esperantza baizik,
   gure pozak ez dezan
   sekulan arratsik.
   
   
3. Ez dizugu eskatzen
   itzalen freskura,
   ezta ere biderik
   gabeko helmuga.
   Baizik Espirituzko
   zure indar hura,
   anaiak zerbitzera
   daraman ardura. 
   
   
4. Ez dizugu eskatzen
   bizitza erreza,
   inoiz jausi ez diren
   tenteen laineza.
   Emaguzu fedea,
   apalen pobreza,
   berriro jaikitzeko
   behar den ametsa.
   
   
5. Sufri ezazu gugan
   arantzen artean,
   zaztadak izan arren
   ez bitez kaltean.
   Zailtasun asko dela?
   aurrera artean!
   Jaunak bere besotan
   har gaitzan artean.

Arantzazu aldizkariak argitaratu zuen lehenbizikoz 1993an, otoitz moduan edo, azkeneko ‘Amen’ eta guzti, eta doinurik gabe. P. Zabalak musikatuta (4 ahots) abestu izan dute Arantzazun (ik. Arantzazuko korua, IV: Maria, 24.kanta).

AAB: 175