Testua: Luis (Koldobika) Eleizalde
Euzkadi, IX, 1912, 286-287 or.
Arabarra, I, 1922, 13. zenb., 1. or.
Arantzazu, II, 1922, 17. zenb., 287-288 or.
Santi Onaindia, Milla Euskal Olerki eder, 797. or.
Musika: Jose Antonio Erauzkin
– AAB: 094 –
Oroena
Zeruko Ama
izar argia,
zugana gatoz
poz-pozik;
geure bihotzak
hartu eiguzuz,
zaindu gagizu
zerutik.
Batzuena
- Arantza-artean
agertutako
Andere garbi
ederra:
seme gaxuok
maitasun-alaz,
gatoz gaur zeure
aurrera. - Hoben-arantzak
zauritu gabez:
osabide eske
gatortzuz;
Goiko Jaunari
geu aldez otoi,
otoi beruak
eiozuz! - Mendi gain hontan
zeuk bakaulkia
antzinan zendun
ezarri,
ta asabei zeure
agerkundeak
bakea eutsen
ekarri. - Gomuta zadiz,
Ama on-ona
inoiz be ez esan,
ez dala,
zeuri deituta,
laguntza barik
inortxo laga
dozula. - Hargaitik orain,
garbai-negarrez,
aurkezten iatzuz
semiok:
euren arrena
ez gutxietsi;
osatu euren
zauriok. - Bihotz-bihotzez,
Euskal Herriak
bakaldun zaitu
hautetsi:
Ama, begira
herri gaxo hau!
Jagoizu beti
ta beti!!
Eleizalde'tar Koldobika dago sinatuta kanta hau, “(Araba)-Gazteiz, 1912-Bagilla” datarekin. “Arantzazu'ko Ama Garbiari abestijak” du titulua Euzkadi eta Arabarra aldizkarietan; Arantzazu aldizkarian, berriz, “Arantzazu'ko Andra Mariari abestijak”. Hiru edizioetan ageri da, bestalde; “A.'tar J. pantzeskar Abaren eskez idatzijak, eta Aba berari opaetsijak”. Uste izatekoa da, A.'tar J. hori Jose Arrue frantziskotarra dela, poeta bera ere, eta musikaria.
Garbi dago Arantzazuko Andre Mariari eskainia dela zuzenean kanta hau, lehenengo, bigarren eta hirugarren estrofetan, nahikoa esplizito dagoenez. Arruek berak ez zuen musikatu, baina agian berak eman zion Jose Antonio Erauzkin-i olerkia, eta horrek musikatu zuen, eta 1918an argitaratu (M.S.H., 1918, Mayo, pág. 33), “Divina Virgen. Andra Marijari. A la Sma. Virgen” (Canción a solo y coro) tituluarekin, bi estrofekin eta gaztelaniazko itzulpen eta guzti: “Divina Virgen”.
Titulua aldatuta, eta lehen hiru estrofak kenduta zabaldu zen kanta, Arantzazuko erreferentziak galduta, eta Andre Mariaren kanta orokor bihurtuta. Karmel aldizkariak, adibidez, hasierakoa eta 4. eta 6. estrofak bakarrik argitaratu zituen.
Mariano Planak bere Selección de Cantos Religiosos bilduman (Tolosa: Gráf. Laborde y Labayen, 1931) zabaldu zuen Erauzkinen abestia (207-208 or.).
AAB: 094
