Testua: Migel Muñoa (?, 1. ahapaldia); Txomin Agirre
Musika: Resurrección Maria Azkue
Martzelino Idoiaga, Arantzazuko Amari..., 23. kanta, 33. or. (AranMusArtx, K 109) // – AAB, 085 –
- Aloñapeko harkaitz artean
elor-arantzan zauden Ama,
euskaldunok gaur zu laztantzera
etorri gera zuregana. - Itxaro daigun ama onagan
zorionera joatea,
bera dalako Jaunak eginda
zeru ederraren atea. - Ama gurea goietan dago
zeruetako edergarri;
bere semeak gabiltz lurrean
negarrez eta errukarri.
Kanta hau M. Idoiagaren eskuzko kopian bakarrik aurkitu dut, non argi eta garbi R. M. Azkueri esleitzen baitio: organoko laguntza eta guzti dago –jakin ez, Azkuerena berarena den harmonizazioa ere, ala Idoiagak konpondua–.
Kanta honen sarrerako ahapaldia eta Aita Donostiaren 1921eko beste kanta baten hasierako ahapaldia berdin-berdinak dira (ik. honen aurreko Arantzazuko Ama neskutsa[ren kanta] izeneko abesti-testua eta bertan lehenengo ahapaldiaren autoreari buruz emandako argibideak). Dena dela, hemengo ondorengo bi estrofak guztiz ezberdinak dira, hango eta hemengo bertso-neurria berdina bada ere: 10/9/10/9 egiturakoa. “Aloñapeko harkaitz artean” ahapaldia Migel Muñoari egotzi diot han. Bigarren eta hirugarren ahapaldiak, berriz Txomin Agirrerenak dira, berak Euskalzale aldizkarian argitaratutako “Itxaro daigun Ama onagan” abesti-testuko sarrera eta lehenengo estrofa (1897, 1. zenb., 143 or.).
AAB: 085
