Testua: Anunciación Aldalur
Eskuzko liburuxka, titulurik gabea (AranLitArtx, SAR-1956/2: 14-002)
Doinua: “Zeru eta munduak / zurekin pozturik”
Agur, agur, agur, Maria,
agur, agur, guztiz garbia.
- Agur Arantzazuko
Maria Birjina,
agur eleiza berri
zuretzat egina.
Agur, agur... - Artzai gaztetxo bati
agertu zinan hor,
eleiza on bat zuri
gelditu ginan zor.
Agur, agur... - Gure saminak kentzen
zaude Zu arantzan,
Erregina izanik
mendian artzantzan.
Agur, agur... - 4Seme zaharrena dezu
Jesus Artzai Ona,
Egile ta Jabea,
Jauna guztiona.
Agur, agur... - 5Jaungoikoaren Ama,
gure Ama zera,
zure seme betiko
gu izango gera.
Agur, agur... - Jaungoikozko bihotza
eman nahi diguzu,
Berekin batutzeko
zeureak gaituzu.
Agur, agur... - Maitasunez eskerrak
guztiok batean,
gure zai zaudelako
zeruko atean.
Agur, agur... - Erregutu ezazu
Jaunaren aurrean,
zuzen bizi gaitezen
nekezko lurrean.
Agur, agur... - Gure Ama maitea
Arantzazukoa,
Zurekin guk nahi degu
maite Jaungoikoa.
Agur, agur...
Aurreko kantari egindako oharrak balio du honako ere. Arantzazuko 1956ko bertso-sariketan Aldalurrek bidalitako koadernotxoan dago kanta hau ere (35. or.).
Bertso sortaren buruan autoreak berak iradokita utzi zuen zein doinu erabili: “«Zeru eta munduak zurekin pozturik» kantatzen dan doñuan”. Eliz kanta ezaguna da hori. Dena dela, estrofentzat balio du horrek, ez leloarentzat. Horrentzako doinua Arrueren “Arantzazura” (“Donostiatik gatoz”) kantaren leloarena izan daiteke egokiagoa.