Arantzazuko balada eta kopla zaharrak. (Osagarria)
1 Aitak artajorrara agindu ezkero
buruan min det eta soroan hotz dago.
Lalaralalai lalara lala lai2 Agura trinkin trunkun ganbela pekoa
baino nahiago nikek hogei urtekoa.
Lalaralalai, etab.3 Arantzazu mendiko pagoaren onduan
Maria Santisima nedukan goguan.
Lalaralalai, etab.
Lekukoa: Maria Frantziska Malkorra (Orexa)
Biltzailea: Resurrección M. Azkue
Iturria: CPV, III, 8-193, 276-277 or. (OEA, 27. dok.)
AKDB, 220. erg.
AAB: 324
I. Omaetxebarriak Arantzazuko Balada eta Kanta Zaharren Bilduman jasota dago eta eskuz idatzita (OEA, 27. dok.) CPV-ko kanta hau –M. Lekuonak “poesia decorativa” deitzen duenetakoa–; hirugarren ahapaldiko “Arantzazu mendiko” kopla hain ezagunagatik jaso dut hemen.
Hala ere, Azkuek honela dio, lehen bi ahapaldien ondoren eta Arantzazuri dagokion hirugarrenaren aurretik: “Además de las dos estrofas citadas cantó esta otra, sin parentesco con sus precedentes”. Gaiaren aldetik hala dirudi, baina neurrian bat dator aurreko biekin.