Harrimailatan altuan dago (3)

1 Harrimailatan altuan dago

2 Birjina Begoñakoa,

3 Hala ta ere altuagoan

4 Birjina Arratekoa;

5 Birjin(a) horreitan ederrena zu,

6 Ama Arantzazukoa.

7 Arantzazuko Andre Mariak

8 zilar zuriz du koroa,

9 zilar zurizko koroa eta

10 urre dindilaz lepoa,

11 zilar zuriaz lepoa eta

12 India-zetaz beloa. (??)

13 Zazpi dontzeilak josten diote

14 bere buruko beloa.

15 Dontzeilak ere ederrak dira;

16 Birjina ederragoa.

Iturria: ABA, III-0(4) (ABB, 654-655 or.; AHH, 112-114 or.)
AKDB, 239. erg.

S. Mitxelenak txukundu-osaturiko “Arantzazura bidean” erromantzearen barruko atala da hemengo hau: bertako 18-19 ahapaldiak. Dena dela, ahapalditan banatu gabe dago idatzita jatorrizko iturrian eta ABB-n ere bai –neure aldetik zenbakitu ditut lerroak–.

Mitxelenak ez zuen seguruenik bere horretan inon aurkitu puska hau; berak eratu zuela dirudi, Arantzazuko tradiziotik harturiko hainbat puska baliatuz eta bere erara bateratuz. “Harmailatan (harmailaetan, harrimailatan) altuan dago” kanta ezaguna da funtsean (1-6 eta 13-16 zatiak), baina tartean sartu zituen 7-12 lerroak, beste kantaren batek iradokiak: beharbada Josefa Auzmendiren “Arantzazura egin det promes” kantako 12. ahapaldiak (REA/JK, 37-38. or.); dena dela, Arantzazuko bestelako balada-aldaeratan ere aurki daitezke horrelako ideiak.

dut kantagai

dut kantagai

Arantzazuko balada eta kopla zaharrak. (Osagarria)

Aurkibidea_

Bilatzailea

Harrimailatan altuan dago (3)