1 Eguna zala ta eguna zala,
bart idargia zenean,
haren argitan abantau nintzan
zazpi legua bidean,
zazpi legua bidean eta
Arantzazura ustean.2 Arantzazura bidea luze,
hara orduko nekatu,
Birjina Ama ta bere Semea
bidean ditut topatu.3 Kontseju on bat eman zidaten
Ama-Semeen artean,
ona ta umila izan nendila
munduan nintzan artean,
ez nenduela gero damuko
zeruko tribunalean,
zeruko tribunalean eta
Jaungoikoaren aurrean.4 Arantzazura joan ginean
zazpi legua bidean,
pastoretxu bat topatu gendun
arbola baten gainean.
Iturria: OEA, 21. dok.
AKDB, 213. erg.
I. Omaetxebarriak eskuz idatzi zuen OEA-ko aldaera hau. Ez du doinurik. Ez dakar iturriaren berririk ere. Berak bildutakoa ote da? Arantzazuko Balada eta Kanta Zaharren Bildumako beste aldaeretatik ezberdin samarra da.