Arantzazuko balada eta kopla zaharrak. (Osagarria)Abuztuaren hamabosteko
Jesus Maria goizean,
Ama Birjinaren debotatxoa
Arantzazura zijoan;Oinean zapatarik gabe,54
abitu beltza soinean,
pausua garratz botatzen zuan
Kataberako gainean.55
Iturria: G2T, 7. or.
AKDB, 161. erg.
“Agustuaren amabosteko” hasten da, hasi, balada-zati hau jatorrizkoan. Arantzazuko Bildumako G2T sortako aldaera da, daktilografiatua; ez dago beste inon, bere horretan; baina uste izatekoa da lehenagoko eskuizkriburen batetik dagoela kopiatuta.
REA/JK koadernoaren hasiera-hasieran (20-23 or.) beste bost aldaera ere badaude balada honenak: horietako bi –doinua eta lehen ahapaldia bakarrik–, CPV-tik hartuta, beste hirurak ahapaldi gehiagorekin –doinu eta guzti horiek ere–.
ABK-k, berriz, zortzi aldaera eskaintzen dizkigu “Abuztuaren hamabosgaren” edo serora erromesaren balada ezagunarenak (80-90 or.). Hemengo hau ez zuen jaso, besteak beste, G2T sorta eskura izan ez zuelako. Liburuko 85. orrialdeko Maria Azurmendiren aldaera eta hemengo hau oso hurbilekoak dira, izan –“Agostuaren (Agustuaren) hamabosteko” hasten diren bakarrak dira biak–, baina ezberdintasun adierazgarririk ere badute bereziki azken puntuan; horregatik jaso nahi izan dut hemengo hau.
Oharrak
54 REA/JK, 85. or. (ABK, 85. or.): “Oinetan ere zapata gabe”
55 REA/JK, 85. or. (ABK, 85. or.): “Aloña mendi gainean”