1 Mundu honetan gura dabenak
zeruko lorak ikusi,
Arantzazuko mendixa gora
behar dau bidea ikasi.2 Errodrigotxo Baltzategiko
Birjina-bilatzailea,
ahuntzaren bila joan zinian
Arantzazuko mendira.3 Birjina Ama bilatu zeben
arantzan zeuri begira,
laister ta arin etorri zinan
enbajadiaz herrira.4 Errodrigotxo Baltzategiko
neure esan bat eidazu,
aita zurea harotza da ta,
itten bat eman eiozu.5 Egin deidala ermitatxo bat
deritxona Arantzazu,
hiru latatxo zazpi teilatxo,
hoietxek askoko ditu.6 Ama maitien [sic] seme on askok
han izango dau ostatu,
han izango dau ostatu eta
sarri kaliza altxatu.
Biltzailea: Joan Karlos Gerra
Iturria: CAE, 182. or. — EERV, XX, 689-690 or.
AKDB, 272. erg.
J. A. Lizarraldek bere HVSA liburuan (173. or., 9. oin-oharra) honela dio: “Así principia otro de los cantos, de la región de Oñate, Valle Real de Léniz, Arratia y Alava. Tenemos recogidas tres variantes de él: relatan la Aparición de la Virgen a Rodrigo de Balzátegui, las tres fugas de la imagen desde la iglesia parroquial de Oñate a donde la habían trasladado; luego el peregrino tiene visiones del cielo y exhortaciones de Jesús y María a que sea bueno y humilde. El número de estrofas no coincide en las distintas variantes”. Aldaeretako bi REA/JK-n daude (26. eta 27. or.); azken hau eta G2T-koa (72-73 orrialdeetakoa) berdinak dira. Zein zen hirugarrena? Izan daiteke J. K. Gerrak argitaratutakoa: hemengo hau, hain zuzen ere.
ABK-k lehen biak argitaratu zituen; izatez, Gerraren aldaera G2T-koa bera da itxuraz, tarteko hiru ahapaldi (4, 5 eta 6) kenduta. Gerrak horrela argitaratu zuelako eta EERV-k aparteko aldaeratzat hartu zuelako sartu nahi izan dut hemen.
Hona hemen G2T-ko aldaera luzeko ahapaldiak, laburtuan kenduak –4. eta 6. ahapaldi horiek osatu gabe daude, bakoitzari bigarren puntua falta baitzaio–.
4 Oñatiarrak joan ziraden
prozesiuaz mendira.
..............................
..............................5 Oñatiarrak, Oñatikuak,
zelan penatzen nazuten,
zeuen San Migel Oñatikora
bi aldiz eratzi nazute.6 Hirugarrenez baramazute
goguan beharko dezute.
..............................
..............................