Arantzazuko balada eta kopla zaharrak. (Osagarria)
1 Izar eder bat ateratzen du
urtean egun batean,
urtean egun batean eta
hura San Joan goizean.2 Haren argitan joan ginaden
Arantzazura bidean,
Birjina Ama ta bere Semea
topatu ditut bidean.3 Kontseju onak eman zizkidan [sic]
Ama-Semeen artean:
ona ta umila izan nadila
munduan naizen artean,
gero berak jakinen duela
zer egin azken finean.
Lekukoa: Maria Antonia Zestao (Ezkurra)
Biltzailea: Resurrección M. Azkue
Iturrria: EERV, 682-683 or. (CPVE artxiboa)
AKDB, 249. erg.
AAB: 347
Antonio Zabalaren EERV liburutik jaso dut balada hau. Honela dio berak: “Kanta au R. M. Azkueren esku-idazkietan arkitu degu. Berak Naparroako eta Ezkurra erriko Sor Maria Antonia Zestaoren aotik jasoa zuan.”
ABK liburuak ez zuen argitaratu: Agian EERV-k berak dakarren beste batekin nahasi zuelako (EERV, 675-676 orrialdeko hiru ahapaldikoarekin?). Baina Zabalak aldaera ezberdintzat ematen ditu biak, eta nonbait Azkuek ere bai.