Arantzazuko balada eta kopla zaharrak. (Osagarria)Arantzazu mendiko (bis)79
paguaren onduan, (bis)
Birjina santisima
nedukan goguan.
Ran ran ran,
nik ere nahiko nuke;
ran ran ran,
zuk nahi bazenduke.
Biltzailea: Manuel Lekuona (Oiartzunen bildua)
Iturria: REA/JK, 29. or.
AKDB, 020-2. erg.
AAB: 283
Gasteizko Seminariotik Arantzazura J. A. Lizarralderi bidalitako kanta da hemengo hau, Lekuonak berak aitortzen duenez (Lekuona 1978b, 339. or.). Idazki horretan hiru kopla ageri dira “Arantzazu'ra nua nua” eta “Arantzazu mendiko” (bi aldaera, honako hau tartean); baina epifonemarik gabe. Anuario de Eusko-Folklore urtekarian ere argitaratuak zituen 1930. urtean, epifonema eta guzti hirurak (X, 24., 25. eta 40. kantak). Hango 24.a da hemengo hau; epifonema, ordea, bestelakoa du, hemen aurreko orrialdean datorrena.
Kopla hau “Arantzazura nua nua” koplarekin batera dago REA/JK-n, doinu berdinarekin gainera. Nahiz eta biak kopla bakarraren ahapalditzat hartu izan zituzten MSJ eta OSJ-ren kopiatzaileek, badirudi Lekuonarentzat bi kopla ezberdin zirela (ik. AKDB-ko 020. erg.ko azalpenak).
Oharrak
79 Jatorrizko REA/JK-ko kopian hemengo ‘(bis)’ hau eta ondorengoa norbaitek ezabatu-edo egin zituela dirudi. Horrela kopiatu zuten ‘(bis)’ gabe, MSJ-k eta OSJ-k.